नागरिक पोष्ट News

आज आइतबार सुनको मूल्य तोलामा ६ सय रुपैयाँले घटेको छ

1.3K

काठमाडौँ । साताको पहिलो दिन आज नेपाली बजारमा सुनको मूल्य घटेको छ । आज आइतबार सुनको मूल्य तोलामा ६ सय रुपैयाँले घटेर प्रतितोला ९० हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै, आइतबार तेजावी सुनको मूल्य पनि तोलाको ६ सय रूपैयाँले नै घटेर प्रतितोला ९० हजार २ सय रुपैयाँ कायम भएको छ । त्यसैगरी, आइतबार चाँदीको मूल्य पनि तोलाको १५ रुपैयाँले घटेर प्रतितोला एक हजार एक सय ५० रूपैयाँमा कारोबार भइरहेको महासंघले बताएको छ ।