नागरिक पोष्ट News

काठमाडौं । साताको अन्तिम कारोबारको दिन नेप्से ३६ दशमलव ३२ अंकले बढेर १,७७८ दशमलव १२ को विन्दुमा कायम भएको छ । केहि दिनदेखि लगातार बढ्ने क्रममा रहेको नेप्सेमा आज ऐहिासिक रेकर्ड कायम गर्दै एकै दिन ६ अर्ब भन्दा बढीको कारोबार भएको छ ।आज सबै क्षेत्रको उपसूचकमा हरीयाली छाएको छ ।दिनभरिमा १ सय ९८ कम्पनीको १ करोड ४० लाख ६२ हजार ५ सय ७ कित्ता शेयर किनबेच हुँदा ६ अर्ब ११ करोड रुपैयाँ भन्दा बढीको कारोबार भएको छ ।

आज सबैभन्दा धेरै नेपाल पुनर्बीमा कम्पनीको ४१ करोड ८ लाख रुपैयाँ भन्दा बढीको कारोबार भएको छ । त्यस्तै, हिमालय डिस्टीलरीको २७ करोड ७ लाख रुपैयाँ बराबरको कारोबार भएको छ।त्यसैगरी, आज तारागाँउ रिजेन्सी होटल र युनिलिभर नेपालको शेयर १० प्रतिशतले बढेको छ भने बोर्टलर नेपाल (तराई) र हिमालयन डिस्टीलरीकाको शेयर ९ दशमलव ९ दशमलव ९९ प्रतिशतले बढेको छ ।

मेगा बैंकको प्रमोटर शेयर ३ दशमलव १७ प्रतिशतले घटेको छ भने प्रभु बैंकको डिभेञ्चर ८४ को शेयर २ दशमलव २९ प्रतिशतले घटेको छ ।