नागरिक पोष्ट News

नेपालमा कोरोना संक्रमितको संख्या २ लाख पुग्यो, सुनको मूल्य एकैदिन ३ हजार ४ सयले घट्यो

1.8K

कोरोना संक्रमितको संख्या २ लाख नजिक

काठमाडौं । पछिल्लो २४ घण्टामा थप २७३६ जनामा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा १२ हजार ९६० नमुना परीक्षण गर्दा १०५९ महिला र १६७७ पुरुषमा संक्रमण पुष्टि भएको हो ।

यससँगै कुल संक्रमितको संख्या २ लाख पुगेको छ । हालसम्म १ लाख ९९ हजार ७६० जना संक्रमित भएका छन् । उनीहरुमध्ये ११४८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

सुनको मूल्य एकै दिन ३ हजार ४०० घट्यो

काठमाडौं, स्थानीयबारमा मंगलबार सुनको मूल्य ३ हजार ४०० रुपैयाँ घटेको छ । केही समययता लगतार उकाले लागेको सुनको मूल्य मंगलबार एकैचोटी ३ हजार ४०० रुपैयाँ घटेको हो ।

सोमबार प्रतितोला ९८ हजार २०० रुपैयाँमा कारोबार भएको सुन आज प्रतितोला ९४ हजार ८०० रुपैयाँमा खरिद विक्री भइरहेको नेपाल सुनचाँदी व्यवसायी महासंघले जनाएको छ । त्यस्तै तेजाबि सुनको मूल्य ९४ हजार ३०० रुपैयाँ कायम भएको छ ।