नागरिक पोष्ट News

तारकेश्वर वडा नं ९ स्थित सूर्यदर्शटन टोलले यस वर्ष २०७७ सालको दशै, तिहार छठ र नेपाल सम्वत जस्ता चाडपर्वहरु सुरक्षित रही घरभित्रै मनाऔं भन्ने सन्देश सहित टोल सरसफाई कार्यक्रम सम्पन्न गरेको छ । मिति २०७७ साल कार्तिक ३ गते सोमबार बिहान ७.३० बजेदेखि ८.३० बजेसम्म टोलका उपभोक्ताहरु भेला भई टोल सरसफाईमा सहभागी भएका थिए । साथै टोलको प्रवेशद्धारमा २०७७ को बडा दशै, दिपावली, छठ र नेपाल सम्वतको पावन अवसरमा समस्त नेपाली र टोलबासीहरुमा शुभकामना सन्देश सहित ब्यानर पनि राखिएको छ ।

बिश्वव्यापी महामारी कोभीड १९ (कोरोना भाइरस) बाट आफू पनि बाचौ, अरुलाई बचाऔ भन्ने सचेतनामुलक सन्देशसहितको चाडपर्वको शुभकामना सूर्यदर्शन टोल सुधार समितिबाट  जारी गरिएको छ ।

२०७७ सालको बडादशै तिहारको शुभकामना ब्यानर सहित सुर्यदर्शन टोल सुधार समितिको आयोजनामा भएको टोल सरसफाई कार्यक्रममा सहभागी हुनुहुने कार्यसमिति पदाधिकारी र सम्पूर्ण टोलबासीहरुमा समितिका अध्यक्ष रुद्र सिह ठकुरिले हार्दिक धन्यवाद व्यक्त गरेका छन् ।