नागरिक पोष्ट News

१७ असोज, काठमाडौं । तारकेश्वर पत्रकार मञ्चको आजको कार्यसमिति बैठकले तारकेश्वर नगरपालिकाभित्र स्थायी वा अस्थायी बसोबास गरेर पत्रकारिता गरिरहेका पत्रकारहरुको प्रोफाइल संकलन गर्ने भएको छ ।

तारकेश्वरमा रहेर स्थानीय मिडिया वा राष्ट्रिय मिडियाहरूमा काम गर्ने पत्रकारहरुको प्रोफाइल बनाउन लागेको हो ।तारकेश्वर पत्रकार मञ्चले संस्था दर्ता गर्ने वित्तिकै तारकेश्वरमा रहेर काम गर्ने पत्रकारहरुलाई सदस्यता वितरण गर्नेछ । करिव ६५ जना भन्दा बढि पत्रकार तारकेश्वरमा रहेका छन् ।

तारकेश्वर पत्रकार मञ्चले स्थानीय क्षेत्रमा रहेर काम गरिरहेका पत्रकारहरुको हक, हित र संरक्षणका लागि मञ्चले स्थानीय निकायसँग सहकार्य गर्दै काम गर्नेछ ।