काठमाडौको सबै वडामा कोरोना संक्रमितको संख्या यस्तो छ, ६१ जनाको मृत्यु
2.5K
काठमाडौं महानगरपालिकामा कोरोना भइरसबाट संक्रमित हुनेको संख्या ७ हजार ३ सय नाघेको छ। महानगरपालिकाले बुधबार उपलब्ध गराएको तथ्यांकअनुसार मंगलबारसम्म महानगरमा ७ हजार ३९३ जनामा कोरोना पुष्टि भएको हो। जसमध्ये ३ हजार ६१३ जना संक्रिय संक्रमित छन् भने ३ हजार ३५४ जना संक्रमण मुक्त भइसकेका छन्।
सबैभन्दा बढी संक्रमित वडा नम्बर १५ मा ६८४ जना रहेका छन् भने सबैभन्दा कम २ नम्बर वडामा ५१ जना रहेका छन्। त्यस्तै ३६५ जना संक्रमितको वडा नखुलेको महानगरले जनाएको छ।
महानगरले २ हजार ३१३ जना होम आइसोलेसनमा र ८१९ जना संस्थागत आइसोलेसनमा रहेको जनाएको छ। त्यस्तै ४८१ जना विभिन्न अस्पतालमा उपचाररत रहेका छन्। कोरोनाबाट महानगरमा अहिलेसम्म ६१ जनाको निधन भइसकेको छ।