नागरिक पोष्ट News

काठमाडौं । काठमाडौ उपत्यकामा पनि कोरोना संक्रमितको संख्याले रेकर्ड बनाएको छ । पछिल्लो २४ घण्टामा काठमाडौं उपत्यकामा थप ६९६ जनामा कोरोना पुष्टि भएको छ। यो अहिले एकै दिनमा संक्रमित भएको सबैभन्दा ठूलो संख्या हो । विभिन्न प्रयोगशालामा गरिएको परीक्षणमा उपत्यकामा थप ६९६ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए। बिहीबार मात्रै ५७२ जनामा कोरोना पुष्टि भएको थियो।

काठमाडौंका ६२०, भक्तपुरका ३८ र ललितपुरका ३८ जनामा कोरोना भाइरस पुष्टि भएको मन्त्रालयले प्रवक्ता डा।गौतमले जानकारी दिए।

यस्तै पछिल्लो २४ घण्टामा १४ सय ५४ जनामा कोरोना भाइरस पुष्टि भएको छ। यो सहित संक्रमितको संख्या ५१ हजार ९१९ पुगेको स्वास्थ्य मन्त्रालयका प्रवक्ता डा। जागेश्वर गौतमले जानकारी दिए। बिहीबार मात्रै १२ सय ४६ जनामा कोरोना देखिएको थियो।

१४ हजार ९२५ कोरोनाका सक्रिय संक्रमित छन्। यस्तै मन्त्रालयका अनुसार होम आइसोलेसनमा ६ हजार ६३४ रहेका छन् भने संस्थागत आइसोलेसनमा ८ हजार १९१ जना रहेका छन्। क्वारेन्टाइनमा ६ हजार ७८ जना रहेका छन्। यस्तै शुक्रबार १० हजार ७०१ नमूनाको पीसीआर परीक्षण भएको छ।

पछिल्लो २४ घण्टामा ९७२ जना कोरोना जितेर डिस्चार्ज भएका छन्। योसँगै कुल डिस्चार्ज हुनेको संख्या ३६ हजार ६७२ पुगेको छ। यो ७१ प्रतिशत हो। यस्तै आइसीयूमा १७० जनाको उपचार भइरहेको छ भने २५ जना भेन्टिलेटरमा छन्।