नागरिक पोष्ट News

रुपन्देही, तिलोत्तमा, कुमार दुबे र लक्ष्मण गौतमको पहलमा रुपन्देहीको तिलोत्तमामा,  ‘घरघरमा खाद्यान्न’ अभियान शुरु भएको छ ।  लामो समयको निषेधाज्ञा र लकडाउनका भोकै रहनुपर्ने बाध्यतामा परेका नागरिकलाइ मध्यनजर गर्दै हुनेले दिने र नहुनेले लिन पाउने गरि अभियान थालिएको युवा उद्यमी कुमार दुबेले बताए । 

चोक चौराहामा फुड बैँक राख्दा भिडभाड हुने र कोरोना संक्रमणको जोखिम बढ्ने हुनाले सुरक्षा र सावधानी अपनाउदै  घर घरमा खाद्यान्न बितरण अभियान थालिएको हो ।  हुनेले दिएर जाउ नहुनेले लिएर जाउ भन्ने नारासहि फुड बैकमार्फत तिलोत्तमा नगरपालिकाकाभित्र कसैलाई खानकै लागि समस्या नपरोस् भन्ने उद्देश्यले यस्तो किसिमको सामाजिक अभियान सञ्चालन गरिएको लक्ष्मण गौतमले बताए । यो अभियानमा जोडिन चाहने र सहयोग गर्न चाहनेलाइ सहकार्य गर्न तयार रहेको काँग्रेस नेता समेत रहेका युवा ब्यबसायी दुबेले जानकारी दिए  ।

यस अभियानलाई  तिलोत्तमा ५ का दुबे र तिलोत्तमा ६ का लक्ष्मण गौतमले नेतृत्व गरिरहेका छन् । भोकै हुनेहरुको घरघरमा १० किलो चामल २ किलो दाल १ पोका  नुन १ लिटर तेल र ६ पिस साबुन दिइएको छ ।