नागरिक पोष्ट News

१७ गते पछिको निषेधाज्ञालाई फेरि निरन्तरता, अबको निषेधाज्ञा खुकुलो बनाउने तयारीमा सरकार

3.2K

१६ भदौ, काठमाडौं । उपत्यकामा कोभिड–१९ (कोरोना भाइरस) संक्रमण निरन्तर बढिरहेकाले काठमाडौं उपत्यकाका तीनवटै जिल्ला प्रशासन कार्यालयले भदौ १७ गते सकिने निषेधाज्ञालाई फेरि निरन्तरता दिने तयारी गरेका छन् । तर, यो पटक अत्यावश्यकसँगै थप केही क्षेत्रलाई खुकुलो पारिनेछ ।

आगामी साताको निषेधाज्ञामा होम डेलिभरी र टेकअवे सेवालाई खुला गरिनेछ । त्यसको मोडलिटीबारे काठमाडौं, ललितपुर र भक्तपुरकी सिडियोबीच भर्चुअल बैठकमा छलफल भइरहेको स्रोतले जनाएको छ ।

उपत्यकामा कोरोना भाइरसको संक्रमण बढेपछि तीनै जना प्रमुख जिल्ला अधिकारीले ३ भदौदेखि लागू हुने गरी एक साता निषेधाज्ञा लगाउने आदेश जारी गरेका थिए । तर, १० भदौमा पुनः ७ दिनका लागि निषेधाज्ञा लम्ब्याउने निर्णय गरेका थिए । जुन बुधबार मध्यरातिबाट सकिँदैछ ।