नागरिक पोष्ट News

काठमाडौं । नेपाली सेनामा पनि कोरोना भाइरस (कोभिड–१९) को संक्रमण बढ्दै गएको छ । पहिलो पटक जेठ ३ गते धनुषामा २ जनामा कोरोना संक्रमण भएकामा अहिलेसम्म ७९ जनामा संक्रमण भएको नेपाली सेनाका प्रवक्ता सहायक रथी सन्तोष बल्लभ पौडेलले बताए । 

७९ मध्ये ७१ जनालाई निको भएको छ । उपचार राम्रो भइरहेको प्रवक्ता पौडेलले बताए । अहिले ८ जना सक्रिय संक्रमित भएकामा सबैको अवस्था सामान्य रहेको पनि उनले बताए । 

त्यसैगरी विभिन्न १२ वटा मिसनमा ५ हजारको संख्यामा नेपाली सेना रहेको र कसैमा पनि कोरोना नरहेको उनले बताए । 

नेपाल प्रहरीमा १५८ जना संक्रमित भएको प्रमाणित भएको प्रहरी प्रवक्ता निरजबहादुर शाहीले बताए । प्रदेश २ मा सबैभन्दा बढी ३४ जनालाई संक्रमण भएको प्रवक्ता शाहीले बताए । संक्रमितमध्ये ९७ जनालाई निको भएको छ । स्याङ्जामा पछिल्लो पटक १८ जना संक्रमित भएका छन् । संक्रमित मध्ये 

फ्रन्टलाइनमा रहेर काम गर्नुपर्ने भएकाले प्रहरीलाई संक्रमण सरेको शाहीको तर्क छ । अनावश्यक भिड नगरी प्रोटोकलमा रहने हो भने कोरोनाबाट बच्न सकिने प्रवक्ता शाहीको भनाई छ । 

सशस्त्र प्रहरीमा पनि कोरोना संक्रमित रहेका छन् । तर प्रहरी र सेनामा जति सशस्त्रमा संक्रमितहरु नभएको बताइएको छ ।