नागरिक पोष्ट News

काठमाडौं । नेपालमा आज फेरि कोरोना संक्रमित बढेका छन् । आज देशभर १ सय ५६ जना कोरोनाका संक्रमित थपिएका हुन् । स्वास्थ्य तथा जनसंख्या मन्त्रालयका प्रवक्ता डा‍‍‍ जागेश्वर गौतमका अनुसार गएको २४ घण्टामा १५६ जना संक्रमणको सिकार भएका हुन् । यो सँगै नेपालमा १७ हजार ६ सय ५८ जना संक्रमित भएका छन् ।

विभिन्न अस्पतालबाट ५८ जना कोरोनामुक्त घर फर्केको पनि मन्त्रालयले जानकारी दिएको छ ।नेपालमा हालसम्म ११ हजार ६ सय ९५ जना कोरोनाबाट निको भएका छन् । हालसम्म ३ लाख १५ हजार बढीको पिसिआर परीक्षण गरिएको छ । नेपालमा कोरोनाबाट ज्यान गुमाउनेहरुको संख्या ४० रहेको छ । शनिबार नेपालमा जम्मा ५७ जना कोरोना संक्रमित फेला परेका थिए ।

सबैको जानकारीका लागि सेयर गर्नुहोस !!