नागरिक पोष्ट News

• बैंक, रेष्टुरेन्ट र अस्पताल जाने ग्राहकले व्यक्तीगत विवरण खुलाउनुपर्ने
• संक्रमण देखिए कन्ट्याक्ट ट्रेसिङ गर्न सजिलो हुने भएकाले व्यक्तिगत विवरण मागिएको 

काठमाडौं। लकडाउनपछि खुलेको बैंक तथा वित्तीय संस्थामा कति पटक जानुभएको छ ? लकडाउनपछि खुलेका बैंक तथा वित्तीय संस्थामा जाँदा केही फरक पक्कै पाउनुभयो होला।

कोरोना भाइरस रोकथाम तथा नियन्त्रणका लागि गरिएको ९० दिनभन्दा लामो लकडाउन खुकुलो भएसँगै बैंक तथा वित्तीय संस्थाले सेवाग्राहीको व्यक्तिगत विवरण राख्न थालेका छन्।

कुनै काम विशेषले बैंक तथा वित्तीय संस्था जाँदा अब हरकोहीले आफ्नो विवरण बुझाउनुपर्ने छ। बैंक तथा वित्तीय संस्थाले आफ्ना ग्राहकको नाम, फोन नम्बर र ठेगाना राख्न थालेका छन्। बैंकभित्र छिर्नुअघि गेटमा आफ्नो पूर्ण जानकारी दिएपछिमात्र भित्र पस्न पाइन्छ।

किन होला, सबै सेवाग्राहीको व्यक्तिगत विवरण मागिएको?

ग्लोबल आइएमई बैंकका कार्यबाहक प्रमुख कार्यकारी अधिकृत महेश शर्मा ढकाल भन्छन्, “ग्राहक पहिचान गर्न विवरण राख्न थालेका हौं। कुनै बैंकमा कोरवना भाइरसको संक्रमण देखिएमा 'कन्ट्याक्ट ट्रेसिङ' गर्न सजिलो होस भनेर यस्तो गरिएको हो।”

यस्तै, नबिल बैंकका प्रमुख कार्यकारी अधिकृत अनिल केशरी शाहले बैंकमा मात्र नभई हस्पिटल र अन्य सार्वजनिक स्थलमा पनि व्यक्तिगत विवरण राखिने बताए।

बैंक तथा वित्तीय संस्थामा कुनै दिन भाइरसको संक्रमण देखिए कन्ट्याक्ट ट्रेसिङको लागि त्यो दिनभर कति जना र को-को आएका थिए भन्ने जानकारी आवश्यक पर्ने भएकाले राख्न शुरू गरिएको उनले देखापढीलाई बताए।

विश्वव्यापी महामारीको रुपमा कोरोना भाइरसको संक्रमण फैलिएपछि आम मानिसहरूको त्यसअघि प्रचलनमा रहेका अधिकांश व्यवहार परिवर्तन भएका छन्।

“यो हाम्रो सामाजिक दायित्व हो। आफ्ना ग्राहकहरुको स्वास्थ्यका लागि बैंकहरुले व्यक्तिगत विवरण राख्ने चलन शुरू गरेका हौं। हकलाई केही झण्झट लाग्न सक्ला, बैंकलाई पनि अतिरिक्त व्यवस्थापन गर्नुपर्ने हुन्छ। तर, संक्रमण देखिए तत्काल सबैको 'ट्रेसिङ' गरेर परीक्षण तथा क्वारेन्टाइनमा राख्न सकिन्छ। समुदायस्तरमा संक्रमण फैलिनबाट रोक्न यो विवरणले ठूलो सहयोग पुग्छ,” शाहले भने, “बैंकका कर्मचारी र सबै सेवाग्राहीको स्वास्थ्य सुरक्षाका लागि सामान्य झण्झट केही होइन।”

यसका साथै, अहिले विभिन्न होटल तथा रेष्टुरेन्टहरूले समेत ग्राहकको व्यक्तिगत विवरण राख्‍न शुरू गरेका छन्।

विश्वव्यापी महामारीको रुपमा कोरोना भाइरसको संक्रमण फैलिएपछि आम मानिसहरूको त्यसअघि प्रचलनमा रहेका अधिकांश व्यवहार परिवर्तन भएका छन्।

sources dekhapadhi