नागरिक पोष्ट News

एकैदिन ९० कोरोनाबाट निको भई घर फर्के, निको हुनेको संख्या ६ सय ७४

2.1K

काठमाडौँ — नेपालमा कोरोना भाइरस संक्रमणबाट निको भएर पछिल्लो २४ घन्टामा ९० जना डिस्चार्ज भएका छन् । निको हुनेमा ८८ पुरुष र २ महिला रहेका छन् ।

स्वास्थ्य तथा जनसंख्या मन्त्रालयले गरेको नियमित मिडिया ब्रिफिङमा बुधबार प्रवक्ता डा जागेश्वर गौतमले यो सँगै हालसम्म डिस्चार्ज हुनेको संख्या ६ सय ७४ पुगेको बताए ।

उनका अनुसार कोसी अस्पतालबाट ६ जना, कोभिड १९ युनिफाइड कमान्ड बलम्बु अस्पतालबाट १ जना, कर्णाली स्वास्थ्य विज्ञान प्रतिष्ठान जुम्लाबाट १८ जना, बीपी कोइराला स्वास्थ्य विज्ञान प्रतिष्ठान धरानबाट १ जना, कोभिड १९ अस्पताल जनकपुरबाट ३७ जना,महेन्द्रगेनाइ आइसोलेसन सेन्टर सिरहाबाट २० जना, कोरोना अस्पताल बेलझुण्डी दाङबाट ७ जना डिस्चार्ज भएका हुन् ।