नागरिक पोष्ट News

विश्वभर कोरोनाबाट २ लाख ८० हजारको मृत्यु, अमेरिकामा ८० हजार भन्दा बढीको मृत्यु

1.7K

काठमाडौं । विश्व्यापी रुपमा फैलिएको कोरोना भाइरसको महामारीबाट ४० लाख भन्दा बढी संक्रमित भएका छन् ।

अमेरिकास्थित जोन हप्किन्स विश्वविद्यालयका अनुसार मृतकको संख्या पनि बढ्दै गएको छ ।

हालसम्म विश्वभर करिब ४१ लाख मानिस कोरोनाबाट संक्रमित भएका छन् भने २ लाख ८० हजार भन्दा बढीको मृत्यु भइसकेको छ ।

विश्वभर कोरोना संक्रमणको उपचारपछि १४ लाख भन्दा बढी मानिस घर फर्किएका छन् । सबैभन्दा बढी अमेरिकामा संक्रमित भएका छन् ।

१३ लाख भन्दा बढी संक्रमित हुँदा अमेरिकामा ८० हजार भन्दा बढीको मृत्यु भएको छ ।

पछिल्लो २४ घण्टामा मात्र मृतकको संख्या १४ सय भन्दा बढी रहेको अन्तर्राष्ट्रिय समाचार संस्थाहरुले जनाएका छन् ।

त्यसैगरी बेलायतमा ३१ हजार भन्दा बढीको मृत्यु भएको छ । गत २४ घण्टामा बेलायतमा ३ सय ५० जनाको मृत्यु भएको छ ।

इटालीमा हालसम्म ३० हजार भन्दा बढीको मृत्यु हुँदा स्पेनमा २६ हजार बढीको मृत्यु भएको छ ।