नागरिक पोष्ट News

वैशाख २५ । कोरोनाभाइरसका कारण विश्वभर दुई लाख ६५ हजारभन्दा बढी व्यक्तिको मृत्यु भएको छ भने संक्रमितको संख्या ३८ लाख २० हजार नाघेको छ ।

जोन्स हप्किन्स विश्वविद्यालयकाअनुसार नेपाली समयानुसार बिहीबार मध्याह्नसम्ममा विश्वभर २४ घन्टाको अवधिमा ६ हजार ८११ जनाको मृत्यु भएको छ ।

अघिल्लो दिनको तुलनामा मृतकको संख्यामा झन्डै एक हजारले वृद्धि भएको हो ।

युरोपेली मुलुकहरुमध्ये बेलायतमा सबैभन्दा बढी व्यक्तिको मृत्यु भएको छ । पछिल्लो विवरणअनुसार बेलायतमा ३० हजारभन्दा बढी व्यक्तिको कोरोनाभाइरसका कारण मृत्यु भइसकेको छ ।

संयुक्तराज्य अमेरिकामा लगातार दोस्रो दिन २३ सयभन्दा बढी व्यक्तिको मृत्यु भएको छ । विगत २४ घन्टामा अमेरिकामा दुई हजार ५२८ जनाको ज्यान गएको छ ।

योसहित अमेरिकामा मृत्यु भएका व्यक्तिको संख्या ७४ हजार ८०९ पुगेको छ ।