नागरिक पोष्ट News

काठमाडौं । विश्वभर फैलिएको कोरोना भाइरसको संक्रमणका कारण ज्यान गुमाउनको संख्या २ लाख ३ हजार नाघेको छ ।  

सबैभन्दा धेरै अमेरिकामा ५४ हजार २५६ जनाको ज्यान गएको छ । यस्तै इटालीमा २६ हजार ३८४, फ्रान्समा २२ हजार ६१४, स्पेनमा २२ हजार ९०२, बेलायतमा २० हजार ३१९, बेल्जियममा ६ हजार ९१७, जर्मनीमा ५ हजार ८७७ को र चीनमा ४हजार ६३२ को मृत्यु भइसकेको छ । 

विश्वभर २९ लाख २० हजारलाई कोरोना लागेको छ । सबैभन्दा बढी अमेरिकामा ९ लाख ६० हजार ६५१ पुगेके छ । अहिलेसम्म ८ लाख ३६ हजार ६६० जनाको उपचार पछि निको भएको छ ।  निको हुनेमा अमेरिकामा १ लाख १८ हजार १६२ छन् ।