नागरिक पोष्ट News

काठमाण्डाै। काेराेना भाइरस संक्रमण नियन्त्रणकाे लागि काठमाण्डौको मुख्य थोक बजार कालीमाटीमा केही दिन फलफूल तथा तरकारीकाे कारोबार नहुने भएको छ । कालीमाटी बजारमा तरकारी र फलफूल किन्न जानेको भीड लाग्ने गरेपछि काठमाण्डाैका विभिन्न ११ ठाउँबाट तरकारी तथा फलफूल बेच्ने निर्णय गरिएको कालीमाटी फलफूल तथा तरकारी बजार विकास समितिका कार्यकारी निर्देशक तेजेन्द्रप्रसाद पौडेलले जानकारी दिए । उनका अनुसार अब केही समय कालीमाटीमा तरकारी तथा फलफूलकाे भण्डारण मात्र गरिने छ ।

लकडाउनका कारण बिहान २ बजेदेखि ६ बजेसम्म बजार खुल्ने गरेकाेमा भीड बढेपछि काठमाण्डौका विभिन्न ११ वटा ठाउँमा तरकारी बिक्रीकाे व्यवस्था गरिएको काठमाण्डौ महानगरपालिकाले जनाएको छ । महानगरपालिकाका अनुसार कलङ्की चोक, बाफल चोक, स्वयम्भू चोक, वनस्थली चोक, गोङ्गबु चोक र बसुन्धरा चोकमा तरकारी पसल खोल्ने निर्णय गरेको छ । यस्तै गोपीकृष्ण हल चोक, तीनकुने चोक, लैनचौर, रत्नपार्क र कोटेश्वर चोकमा तरकारी पसल खोलिने समितिले जनाएको छ ।