नागरिक पोष्ट News

अमेरिकामा भयावह एकै दिन ११ सय ६५ को मृत्यु, पूर्वानुमान गरिए अनुसार दुई लाखको ज्यान जान सक्छ

1.5K

कोरोना भाइरस (कोभिड–१९) ले अमेरिकालाई सबैभन्दा बढी प्रभावित पारेको छ । अमेरिकामा अहिलेसम्म ३ लाख ३६ हजार ६७३ जना संक्रमित भएका छन् ।

एकै दिन २५ हजार ३१६ जना संक्रमित थपिएका छन् । त्यस्तै मृतकको संख्या पनि ९ हजार ६१६ पुगेको छ । एकै दिन १ हजार १६५ जनाको ज्यान गएको छ ।

सबैभन्दा बढी प्रभावित न्यूयोर्क परेको छ । न्यूयोर्कमा मात्रै १ लाख २३ हजार १८ जना संक्रमित भएका छन् ।

४ हजार १५९ जनाको ज्यान गएको छ भने ५९४ नयाँ मृतक हुन् । दोस्रो स्थानमा न्यूजर्सी रहेको छ । त्यहाँ ३७ हजार ५०५ जना संक्रमित छन् भने ९१७ जनाको ज्यान गएको छ ।

अमेरिकी राष्ट्रपति डोनाल्ड ट्रम्पले यो अप्रिल महिना निकै नै पीडादायी हुने यसअघि नै बताइसकेका छन् ।

पूर्वानुमान गरिए अनुसार अमेरिकामा मात्रै दुई लाख मानिसको ज्यान जान सक्छ । नेपालीहरु पनि परेका छन् । अहिलेसम्म ३ नेपालीको ज्यान गइसकेको पुष्टि भएको छ ।