नागरिक पोष्ट News

अमेरिकामा कोरोना भाइरसका कारण दुई लाख मानिसको मृत्यु हुनसक्ने चेतावनी दिइएको छ । अमेरिकी सरकारका एक विज्ञले कोरोनाभाइरस महामारीले दुई लाख अमेरिकीको ज्यान लिनसक्ने र दशौँ लाखमा उक्त भाइरसको संक्रमण हुनसक्ने चेतावनी दिएका हुन् ।

राष्ट्रपति डोनल्ड ट्रम्पको कोभिड १९ कार्यदलमा रहेका सरुवा रोगविज्ञ डा. एन्थोनी फाउचीले ‘अहिलेको अवस्थामा मृत्यु हुनेको संख्या एकदेखि दुई लाख हुनसक्ने’ बताएको सीएनएनले जनाएको छ । यो संख्यामा मृत्यु हुन संक्रमणको अवस्था तीव्र हुनुपर्ने उनको भनाइ छ ।

अमेरिकामा, विश्वमै सबैभन्दा धेरै १ लाख ४१ हजारभन्दा बढी व्यक्तिमा कोरोनाभाइरस संक्रमण भएको छ । तैपनि अमेरिकाले लकडाउन गरेको छैन । २४ सय ७५ जनाको त मृत्यु भैसकेको छ ।

डाक्टर फाउचीले न्यूयोर्कले गम्भीर समस्या झेलिसकिएको, न्यूअर्लेन्स गम्भीर समस्यामा रहेको र अरु ठाउँमा पनि गम्भीर समस्या विकसित हुने अवस्था रहेको बताए ।