नागरिक पोष्ट News

आफ्नै देश फर्कन पनि संघर्ष गर्नुपर्ने कस्तो अवस्था, अबस्था धनगडी नाकामा दृश्य

भारतको मुम्बई, बैंगलोर, दिल्ली लगायतका स्थानमा काम गरिरहेका हजारौं नेपालीहरु अहिले त्रिनगर नाकामा रोकिएका छन् । नाकामा शशस्त्र, जनपथ प्रहरीहरुले उनीहरुलाई कैलालीको धनगढी र कञ्चनपुरको पुनर्वास क्षेत्रमा प्रवेश गर्न दिएको छैन् ।

भारतका विभिन्न स्थानबाट आएर नेपाल भारतको सीमा दशगजा क्षेत्रमा सोमबार रातिदेखि बस्दै आएका नेपाली र सुरक्षाकर्मीबीच सामान्य झडप भएको छ । नेपाल जान देउ भन्दै नारावाजी र ढुंगामुडा गरेर जवरजस्ती नेपाल पस्न खोजेपछि नेपाली धनगढीको त्रिनगर नाकामा सुरक्षाकर्मी र भारतबाट आएका नेपालीहरुवीच सामान्य झडप भएको हो । भारतले आफनो क्षेत्रमा कडाई गरिरहेको समयमा पनि भारतको पलियाबाट ३५ किलोमिटर पैदल यात्रा गरेर सीमा पुगेको उहाँहरुको भनाइ छ । क्वारेन्टाइनमा पनि बस्न तयार छौं तर नेपाल जान दिनुपर्छ सीमामा अलपत्र रहेकाहरुले बताए ।