नागरिक पोष्ट News

- मगेन्द्र राई,हङकङ

हङकङमा एक नेपाली महिलाले भवनको छतबाट हाम फालेर आत्महत्या गरेकी छन्। २९ वर्षीया नेपाली महिलाले गत शनिबार दिउँसाे साढे १२ बजे वान चाई रोड ४०-५४ स्थित एक निजी आवासीय भवनको ७ तला माथिबाट हाम फालेकी हुन्।

प्रत्यक्षदर्शीका अनुसार दुर्घटना पूर्व ति महिलाको अनौठो गतिविधि देखे्पछि सहयोगको लागि प्रहरीलाई खबर गरिएकाे थियाे।प्रहरीको उपस्थिति स‌ँगै उद्दारकर्मीहरुको अनुरोध पश्चात उनी सुरक्षित स्थानमा फर्किन राजी भएकी थिईन्। तर फर्कने क्रममा अचानक सन्तुलन गुमे पछि उनी खस्न पुगिन्।

सडकमा टाउको बजारिर घाइते भएकी  ति महिलालाई उपचारका लागी एम्बुलेन्सद्वारा नजिकको रोतोन्जी अस्पताल लगिएको थियो। अस्पताल पुर्‍याइए पश्चात तिनलाई मृत घोषणा गरिएको थियो।

मृतक बृृृषिका राई धरान चौकिबारी निवासी हुन्। पुर्ख्यौली घर खोटाङ भएकी उनी लामो समयदेखि परिवारबाट एक्लैै हङकङमा बस्दै आएकी थिइन्।