नागरिक पोष्ट News

काठमाडौं । चर्चित बलिउड अभिनेता शाहरुख खानकी कजन बहिनीको निधन भएको छ । उनकी कजन बहिनी नूर जहांको मंगलबार निधन भएको अन्तराष्ट्रिय सञ्चारमाध्यमहरुले जानकारी दिएका छन् । नूर जहांका कान्छा भाइ मंसूरले यो खबर पुष्टि गरेका हुन् । नूर जहां लामो समयदेखि क्यान्ससँग लडिरहेकी थिइन् ।जियो न्यूजसँग मंसूरले बहिनीको मृत्युको खबरको पुष्टि गर्दै नूर लामो समयदेखि क्यान्सरबाट पीडित भएको जानकारी दिए । स्मरण रहोस्, नूर शाहरुख खानको काकाकी छोरी हुन् । नूर जहाँ पाकिस्तानको पेशावरमा बस्दै आएकी थिइन् । सन् २०१८ मा आम निर्वाचनमा उनले चुनाव लड्ने घोषणा गरेपछि उनी चर्चामा आएकी थिइन् । पछि उनले आफ्नो नाम फिर्ता लिएकी थिइन् ।