नागरिक पोष्ट News

सोमबारे व्रत ! सोमवारको दिन शिवको पुजा गर्नुको महत्व ! यस्तो छ

4.9K

काठमाडौं । हिन्दू धर्मशास्त्रमा हरेक दिनको आफ्नै महत्व हुन्छ । प्रत्यक दिन फरक भगवानको आराधना र पुजा गरिन्छ । सोमवार भगवान शिवको विशेष दिन हो । धर्मशास्त्र अनुसार यो दिन देवको पनि देव, महादेव शिवको व्रत बसी पूजाआजा गरिन्छ ।

शिवका लागि समर्पित सोमबारको व्रत सूर्य उदयसँगै सुरु हुन्छ अनि सूर्य अस्ताए पछि सकिन्छ । खाना बेलुकाको आरती सकिएपछि खाइन्छ । दिनमा शिव र पार्वतीको पूजा तथा आराधना गरिन्छ । तर कुनै पनि पूजाको अगाडी गणेशको पूजा भने अनिवार्य नै छ । अझ साउन महिनाको सोमबारको व्रत फलदायी मानिन्छ । शिव भगवानको पुजा मध्यान्हमा गरिन्छ ।

सोमबारको उपवासले मानिसको इच्छा अनि आकंक्षा पूरा गर्ने विश्वास रहिआएको छ । त्यस्तै ज्ञान प्राप्ति हुन्छ । अविवाहित स्त्रीले असल पति पाउँ भनि सोमबार व्रत बस्ने चलन अझ बढी छ ।

सोमबार व्रत बस्ने चलन कसरी सुरु भयो ?

सोमबार शिवको व्रत बस्ने चलनको पछाडी धेरै पौराणिक तथा धार्मिक कथाहरु छन् । यी कथाहरुमध्ये तीन कथाहरु बढी चर्चित छन् ।

पहिलो कथा एक गरिब ब्राह्मणको बारेमा छ जसले शिवको व्रत पश्चात धन प्राप्त गरेको कथा छ । दोस्रोस्एक धनी व्यापारीको छ । जसको छोरा थिएनन् । लामो प्रतिक्षा पछि छोरा जन्मिए तर छोटो समयमै मृत्यु हुन पुग्यो ।

कथा अनुसार शिव र पार्वतीको कृपाले छोराको पुर्नजन्म भएको थियो । तेस्रोस्शिव र पार्वतीले खेलेको कौडा खेलको कथा छ ।

कुनै पनि खालको व्रत वा उपवासले शारीरिक स्वास्थ्यमा प्रत्यक्ष प्रभाव पार्छ । समय समयमा व्रत बस्नाले शरीरलाई फाइदा पुर्याउँछ । व्रतको धारणा परापूर्वकालका ब्राह्मणहरुले ‘ब्राह्मण धर्म’ प्रति मानिसलाई आकर्षित गर्न प्रयोग गर्दथे ।

यसले शारीरिक स्वास्थ्यलाई फाइदा गर्ने हुँदा व्रत गर्ने स्वयं व्यक्तिले नै अनुभव गर्नसक्ने भएकाले हजारौँ वर्षदेखि यो चलन चलिआएको मानिन्छ । कम्तीमा सातामा एक दिन व्रत बस्नु स्वास्थ्यका लागि उत्तम हुने चिकित्सकहरुले पनि बताउँदै आएका छन् । हिन्दु धर्मग्रन्थमा उल्लेख भएका धेरै कुराहरु अहिलेको आधुनिक युगमा पनि वैज्ञानिक सिद्ध भइसकेका छन् । पौराणीक कालमा हिन्दुधर्म ग्रन्थ नै कानुनका रुपमा पालना हुन्थे । धर्मग्रन्धमा बर्जित गरिएका कुराहरु गरिदैनथ्यो ।