नागरिक पोष्ट News

 मंसिर १४ गते देखि सुरु हुने १३ औं दक्षिण एसियाली खेलकुद (साग) लाई ब्यवस्थित बनाउन ट्राफिक प्रहरीले सर्वसाधारणका लागि सूचना जारी गरेको छ । ८ बुँदे अनुरोध जारी गर्दै साग भरी त्यो नियम पालना गरिदिन आग्रह समेत गरेको छ । प्रहरीले सागको अवधिवर पुराना गाडी नचलाउन र जोर विजोर प्रणाली लागू गर्न आग्रह गरेको छ । प्रहरीले साग भइरहेको स्थानभन्दा अन्य वैकल्पिक वाटो प्रयोग गरेर यातायात साधन चलाउन आग्रह समेत गरेको छ ।

ट्राफिक प्रहरीले १५ गते विजोर र २४ गते जोर नम्बरप्लेटका सवारी साधनमात्र चलाउन अनुरोध गरेको छ । प्रहरीले सो अवधिवर सवारी साधनलाई हर्न निषेध गरेको छ । साग अवधिवर ट्राफिक ब्यवस्थापनका लागि प्रहरीले सवारी मार्गमा पुराना र अवस्था ठीक नभएको अवस्थाका गाडी सडकमा ननिकाल्न आग्रह गरेको छ ।