नागरिक पोष्ट News

पाकिस्तान र भारतको सीमाक्षेत्रमा २४ सेम्टेम्वर २०१९ को साँझ ५ दशमलब ८ म्याग्निच्युडको शक्तिशाली भूकम्प गएको छ । जहाँ १९ भन्दा बढीको निधन भएको छ भने तीन सय भन्दा धेरै घाइते भएका छन् । पाकिस्तानी सञ्चारमाध्यमहरूले जनाएअनुसार स्थानीय समयअनुसार २९ सेपटेम्बर मंगलबार अपरान्ह ४ बजे पाकिस्तान नियन्त्रित कस्मिर र पञ्जाबको सीमामा केन्द्रविन्दु बनाएर भूकम्प आएको हो।

८-१० सेकेन्डसम्म निकै बलियो धक्का महशुस गरिएको समाचार पत्र द डनले उल्लेख गरेको छ। भूकम्पको गहिराइ १० किलोमिटर रहेको बताइएको छ। 

थुप्रैतिरबाट जमिन चिरा परेका र घरहरू भत्किएका तस्बिरहरू आएका छन्। भारतको राजधानी नयाँदिल्लीसहित भारतका थुप्रै शहरमा समेत धक्का महसुस गरिएकाे छ । भूकम्प आएपछि दिल्लीका मानिसहरू घर छोडेर बाहिर निस्किएका छन्।हरियाणा, उत्तर प्रदेश, पञ्जाब, चण्डीगढलगायत क्षेत्रमा पनि भूकम्पको धक्का महशुस गरिएको छ।भारतको मौसम विभागले भने भूकम्प ६.३ म्याग्नेच्युड भएको बताएको छ।