नागरिक पोष्ट News

अनधिकृत रुपमा रकम निकाल्ने पाँच चिनीयालाई प्रहरीले पक्राउ गरेसँगै केही नेपाली बैंकहरुले आफ्नो एटिएम सेवा तत्काललाई अनिश्चित कालका लागि बन्द गरेका छन्। एनआइसी एसिया र प्रभु बै‌ंककाे सिस्टम नै ह्याक गरिएकाे छ भने नबिल बैंकका एटीएमबाट ठूलाे मात्रामा नगद झिकिएकाे छ। सुरक्षा खतराका कारण बैंकहरुले तत्कालका लागि एटिएम बन्द गरेको महानगरीय प्रहरी परिसर काठमाडौंका प्रमुख उत्तमराज सुवेदीले जानकारी दिएका छन्।

प्रहरीले पक्राउ ५ चिनियाँ नागरिकलाई एटिएकबाट अनाधिकृत रुपमा रकम निकाल्दै गर्दा समातेको थियो। प्रहरीले उनीहरुको साथबाट १ करोड २६ लाख २९ हजार ४५ रुपैयाँ नेपाली रुपैयाँ र ९ हजार अमेरिकी डलर बरामद गरेको छ । बरामद गरिएको सबै रकम बैंकका खातावालाको एकाउन्टबाट अनधिकृत रुपमा निकालिएको खुलेको छ। प्रारम्भिक अनुसन्धानमा ६ वटा बैंकबाट रकम झिकिएकाे आशंका गरिएकाे छ।