नागरिक पोष्ट News

बालुवाटारस्थित ललिता निवास प्रकरणमा मुछिएका खरिदार युक्तप्रसाद श्रेष्ठले बालाजुको माछापोखरी सपिङ मलबाट हामफालेर आत्महत्या गरेका छन् ।

कांग्रेस पर्वतका सचिव समेत रहेका उनले माछापोखरीस्थित सपिङ मलबाट सातौं तलाबाट हामफालेर आइतबार आत्महत्या गरेका हुन्। महानगरीय प्रहरी वृत्त बालाजुले उनको आत्महत्या पुष्टि गरेको छ।

घटना लगत्तै प्रहरीले श्रेष्ठलाई तत्काल उपचारका लागि पिपुल्स अस्पताल लगेको थियो। अस्पतालले उनलाई मृत घोषणा गरेको वृत्तका प्रमखु डीएसपी बालनरसिंह राणाले बताए।