नागरिक पोष्ट News

काठमाडौं। मनसुन शुरु भएसँगै बाढीको जोखिम बढेपछि सरकारले जोखिम न्यूनिकरणका लागि विभिन्न २४४ जोखिम क्षेत्रको पहिचान गरेको छ ।

जोखिम भनि पहिचान गरिएका क्षेत्रमा बाढी आउने सम्भावना बढेपछि बाढी पूर्वानुमान शाखाले मोबाइलमा सचेत रहन आग्रहसहितको एसएमएस पठाउने छ । 

हाल देशभर मनसुन सक्रिय भएपछि वर्षात भइरहेको छ । आगामी तीनदिनको मौसम पूर्वानुमानअनुसार देशभर वर्षा हुने सम्भावना छ । 

मौसम पूर्वानुमान शाखाका अनुसार सोमबार राति देशभर सामान्य बदलि भई पूर्व र मध्यका केहि स्थानहरुमा साथै पश्चिमका थोरै स्थानहरूमा मेघगर्जन सहितको हल्कादेखि मध्यम वर्षाको सम्भावना रहेको छ। मध्य र पूर्वी भू–भागका एक दुइ स्थानहरुमा र पश्चिमका बिशेषत पहाडी भू–भागका एक दुई स्थानमा भारी बर्षाको सम्भावना छ। 

यस्तै मंगलबार दिउँसो देशभर सामान्य बदलि भई पूर्व र मध्यका केहि  स्थानहरुमा र पश्चिमका थोरै स्थानहरूमा मेघगर्जन सहितको हल्कादेखि मध्यम वर्षाको सम्भावना रहेको मौसम पूर्वानुमान शाखाले जनाएको छ। मंगलबार राति देशभर सामान्य बदलि भई पूर्व र मध्यका केहि  स्थानहरुमा र पश्चिमका थोरै स्थानहरूमा मेघगर्जन सहितको हल्का देखि मध्यम वर्षाको सम्भावना रहेको छ।

यस्तै बुधबार दिउँसो देशभर  सामान्य बदलि भई देशका मध्य र पश्चिमी भू–भागमा मेघ–गर्जन सहितको वर्षाको र देशका पूर्वी भू–भागमा हल्का वर्षाको सम्भावना रहेको छ। देशका १–२ स्थानहरुमा भारी वर्षाको संभावना समेत रहेको छ। 

बुधबार राति देशभर सामान्य बदलि भई पूर्व र मध्यका केहि  स्थानहरुमा मेघ–गर्जन सहितको हल्कादेखि मध्यम वर्षाको सम्भावना रहेको छ। पश्चिमका थोरै स्थानहरूमा मेघगर्जन सहितको हल्का वर्षाको सम्भावना रहेको छ। पश्चिम र मध्यका एक दुइ स्थानहरुमा भारी बर्षाको सम्भावना छ।