नागरिक पोष्ट News

सिराहामा स्थानीयको कुटपिटबाट एक सैनिक जवानको मृत्यु भएको छ । ती सैनिनक जवानलेचोरी गरेको आरोप लगाउँदै स्थानीयले उनलाई बिजुलीको पोलमा बाँधेर कुटपिट गरेका थिए । कुटपिटपछि गम्भीर घाइते भएका उनलाई उपचारको लागि अस्पताल पुर्याइएको थियो तर उपचारको क्रममा अस्पतालमै उनको ज्यान गयो ।

मृत्यु हुने सैकि जवान बरियारपट्टी गाउँपालिका वडा नं.४ सोहपुर निवासी २२ वर्षीय अनिसकुमार सिंहाई रहेको बताइएको छ । उनलाई विरेक्षण यादबको घरमा चोरी गरेको आरोपमा कुटपिट गरिएको थियो । उनी नेपाली सेनाका सैनिक जवान रहेको र संखुवासभा तैनाथ रहेकोमा अहिले उनी विदामा घर आएका थिए ।

2076 वैशाख २८ गते शनिवार राती कुटपिटबाट गम्भीर घाइते भएका सिंहको उपचारका क्रममा जेठ १ गते दिउँसो काठमाडौको छाउनीस्थित वीरेन्द्र सैनिक अस्पतालमा मृत्यु भएको प्रहरीले जानकारी दिएको छ। वडाका तेनुवापट्टी गाउँका विरेक्षण यादब घरमा चोरीको आरोपमा बिजुली पोलमा बाँधेर कुटपिट गरेपछि मृत्यु भएको ईलाका प्रहरी कार्यालय पतारीका प्रहरी निरीक्षक कृष्ण श्रेष्ठले जानकारी दिए।

प्रहरीलाई खबर गरे पनि प्रहरी समयमा नपुगेको र पुगेपछि पनि मुकदर्शक भएको पीडित पक्षले आरोप लगाएका छन्।