नागरिक पोष्ट News

गोरखाको पालुङटार नगरपालिका १० धुँवाकोटमा कुकुर र चितुवाबीच भिडन्त हुँदा चितुवाको मृत्यु भएको छ । बिहीबार बिहान करिब ४ बजेतिरबाट सुरु भएको भिडन्तमा चितुवालाई ६ वटा स्थानीय कुकुरले आक्रमण गरेका थिए ।

फुचुङ लामाको बाख्रा फारममा चितुवा आएपछि कुकुरहरुले चितुवालाई आक्रमण गरेका थिए । आक्रमणबाट एउटा कुकुर पनि मरेको छ भने दुई कुकुर घाइते भएका छन् ।

कुकुरले चितुवा मारेपछि टाढाटाढादेखि मरेको चितुवा हेर्नेहरुको भिड लागेको थियो ।