नागरिक पोष्ट News

तीब्र गतिको मोटरसाइकल कारमा आएर ठोक्किएको थियो

रिपोर्टर्स क्लव नेपालका अध्यक्ष ऋषि धमला सवार कार दुर्घटनामा परेको छ । एकाबिहानै कार्यक्रम चलाउन निस्किएका धमलाको कारमा मोटर साइकल ठोक्किएको हो । स्रोतका अनुसार आइतबार बिहान करीव साढे पाँच बजे दुर्घनामा परेका हुन् । लाजिम्पाटस्थित निवासबाट नेपाली रेडियो नेटवर्कको कार्यालय अनामनगर बैद्यखाना आउँदै गरेका धमला सवार कारमा मोटर साइकल ठोक्किन पुगेको थियो । दुर्घटनामा परी धमलाका गाडीका चालक गम्भीर घाइते भएका छन् भने मोटरसाइकल चालक पनि घाइते भएका छन् ।

अनियन्त्रित गतिमा आएको मोटरसाइकल धमला सवार कारमा ठोक्किएपछि दुर्घटना भएको बताइएको छ । दुर्घटनामा गम्भिर घाइते धमलाका चालक र मोटरसाइकल चालक दुवैलाई अस्पताल भर्ना गरी उपचार थालिएको छ । दुर्घटनामा सामान्य घाइते भएपनि धमलाले नेपाली रेडियो नेटकर्वबाट सञ्चालित कार्यक्रम भने चलाउन छाडेनन् ।