नागरिक पोष्ट News

नेपाली सेनाकी सेनानी सुलोचना पौडेल ‘कमान्ड एन्ड स्टाफ कोर्स’ पूरा गरेकी छन् ।आर्मी कमान्ड एन्ड स्टाफ कलेजले सञ्चालन गरेको कोर्षको २५औँ शृंखला उनले बिहीबार पूरा गरेकी हुन् । पौडेल २०६१ मा नेपा ली सेनाको सहायक पदमा भर्ना भएकी थिइन् ।‘कमान्ड एन्ड स्टाफ कोर्स’ पूरा गर्ने उनी पहिलो महिला सैनिक बनेकी छन् । ‘कमान्ड एन्ड स्टाफ कोर्स’ पूरा गरेसँगै भविष्यमा सुलोचना पौडेल सेनाको सर्वोच्च पद ‘प्रधानसेनापति’ महिला बन्न सक्ने सम्भावना बढेको छ ।

यसअघि कुनै महिला सैनिकले न सो कोर्स पूरा गरेका थिएनन् । पौडेल नेपाली सेनाको महिला भर्तीमा पहिलो ब्याच हुन् ।सैनिक जीवनमा स्टाफ कलेज भनेको युद्धकला पनि मानिन्छ ।स्टाफ कलेज पास गर्ने व्यक्ति सेनाको नीतिनिर्माणका लागि योग्य ठानिन्छन्। य सले भविष्यका अन्य तालिमका लागि पनि ठूलो ढोका खोलेको मानिन्छ । खासगरी कमान्डर बन्न स्टाफ कलेज पास गर्नैपर्छ । यसपछि कम्पनी कमान्ड, ब्रिगेड कमान्ड हुँदै पूरै संगठनको कमान्डका लागि पनि यस्तो व्यक्ति योग्य हुने विश्वभरको सैन्य संगठनको निय म छ ।

सेनाको ‘कमान्ड एन्ड स्टाफ कोर्स’ पूरा गर्नेलाई बिहीबार प्रधानसेनापति पूर्णचन्द्र थापा र त्रिभुवन विश्वविद्यालयका उपकुलपति प्रा.डा. तीर्थराज खनियाँले प्रमाणपत्र प्रदान गरे ।नेपाली सेनामा पहिलोपटक कमान्ड एन्ड स्टाफ कोर्स पूरा गर्ने महिला पाएकामा संगठन खुसी रहेको प्रधानसेनापति थापाको भनाइ थियो । पौडेलले कमान्ड एन्ड स्टाफ कोर्स पृथक अनुभव भएको बताउँदै पेसागत ज्ञानले आगामी दिनमा समेत सहयोग पुग्ने विश्वास व्यक्त गरिन् ।