नागरिक पोष्ट News

फाल्गुन ११ गते 

लक्ष्मीनारायण मन्दिर व्यवस्थापन परिषद्ले आज रुरुक्षेत्रका सामान्य पीठाधीश स्वामी श्री जगदीश प्रपनाचार्यज्यूको प्रमुख आतिथ्यमा काठमाण्डौँ महानगरपालिका वडा नं. १४ सन्तोषीनगरमा रहेको श्री लक्ष्मीनारायण मन्दिरपरिसरमा निर्मित श्री बैकुण्ठधाम भजनघरको उद्घाटन तथा उक्त भजनघरको निमाणर्थ उदारभावले सहयोग गर्नुहुने दाता महानुभावहरुको सम्मान कार्यक्रम आयोजना गरिएको थियो । सो कार्यक्रममा आयोजक समितिले यस्तो किसिमको भजन गृह सबै नगर तथा वडा हुनु अति आवश्यक भएको बताउनु भयो । कार्यक्रममा सो भवनको उद्घाटन कार्यक्रमका प्रमुखश्री जगदीश प्रपनाचार्यज्यूले गर्नु भएको थियो । त्यस्तै कार्यक्रममा समितिका पधादिकारीहरुले मिठो भजनबाट उपस्थित सम्पुर्ण महानुभावहरुलाई स्वागत भजन गाउदै स्वागत गरेका थिए । भजन घरको निमार्ण गर्दा सहयोग पुराउने सम्पुर्ण सहयोगी मनहरुको नाम सहित वाचन गदै समितिका कोषधक्ष्यले यो अति नै राम्रो काम भएको बताउनु भयो । त्यस्तै भजन गृह अहिलेको अति आवश्यक स्थान भएको बताउदै यो बृद्ध बृद्धालाई मात्र नभएर सबै प्रकारका मानिसको लागि यो आवश्यक भएको बताउदै यस्तो काम गर्न सबैको सहयोग हुनु पर्ने र आफूले पनि यस्तो कामको लागि सधै सहयोग पुराउने बताउदै भजन सुन्दा सबैको मन शान्त हुने प्रमुख अतिथिले बताउनु भयो ।