नागरिक पोष्ट News

• दलसिंह गिरी , कालिकोट | 

गाउँबासीको विचल्ली भयो पालिका रोड गया ।

केही सुरक्षा दि हाल्दोहोई सरकारी ध्यान भया ।

भोक मरि र असिनाले पिडत भयो खाडा ।

आफ्नो रक्षा आफै गर्नु सबै भया टाडा ।।

हिजो आज यो ढुङगाले ठाउँ छाडी हडिगो ।

सम्बन्धितको ध्यान नजाने क्या चिड्को पडिगो ।

गाउँबस्तीमा खस्न लागेको भिमकाय ढुंगा टुक्राउन सम्बन्धित निकायले ढिलाई गर्दा स्थानीय बासीहरु झन त्रसित बन्दै गएका छन् । सडक निर्माणको क्रममा भिमकाय ढुंगाको फेदमुनि डोजर मार्फत सडक खन्दा ढुंगाले आफ्नो स्थान छाड्न थालेपछि सान्नीत्रिबेणी गाउपालिका १ र २ सेरिज्यूलाका बासिन्दाहरु थप त्रसित बन्दै गएका हुन् ।

भिमकाया ढुंगाले आफ्नो स्थान छाडेको सूचना पाउदा साथ प्रमुख जिल्ला अधिकारी, जिल्ला प्रहरी कार्यालय प्रमुख, गाउपालिका प्रमुख, उपप्रमुख लगाएतका सम्बन्धीत निकायहरुले गएको शनिबार नै अवलोकन गरी ढुंगा टुक्राउनकोलागि तत्काल प्रक्रिया थालिने प्रतिवद्धता गरेको ४ दिन वितिसक्दा पनि कुनै चासो नदेखाएको भन्दै प्रभावित स्थानीयहरु आक्रोसित बनेका छन् ।

गाउँपालिकाले समेत ढुंगाको ब्यवस्थापन नभए सम्मको लागि विद्यालयसंचालन नगर्न निर्देशन दिएको छ । ‘बिद्यार्थीहरुको बार्षिक परीक्षा नजिकिदै आईसक्यो केही विषयहरुको कोर्ष नै सकिएको छैन, ढुंगाकै कारण विद्यार्थीको पढाईमा बाधा पुगेको’ शंकर माविका शिक्षक सुजनबहादुर विष्ट बताउछन् । दैनिक साढी बढी विरामी आउने १ र २ वडा को एक मात्र स्वास्थ्य संस्था समेत प्रभावित भएको छ । आफ्नै भवनमा स्वास्थ्य सेवा दिईरहेको स्वास्थ्य चौकी हाल खुल्ला ठाउँमा सेवा दिन बाध्य भएको स्वास्थ्य चौकी प्रमुख सुरेन्द्र धामी ले बताएका छन् ।

यता गाउपालिका प्रमुख डम्बर शाहीले भिमकाया ढुंगा डिस्पोजलका लागि जिल्ला प्रशासन मार्फत तत्काल गृहमन्त्रालयलाई पत्राचार गरी गृहमन्त्रालयले प्रक्रिया अगाडी बढाउन रक्षा मन्त्रालयलाई अनुरोध गरेकाले रक्षामन्त्रालयबाट निर्देशन आउदासाथ हुम्ला कर्णालीकरिरोड निर्माणको जिम्मा पाएको नेपाली सेनाले भिमकाया ढुंगा टुक्राउन बिस्फोटको काम थाल्ने बताएका छन् ।