नागरिक पोष्ट News

जाजरकोटको रिम्नास्थित भेरी नदीमा यात्रुबहाक बस खसेको छ । नेपालगञ्जबाट रुकुमको राडीतर्फ जाँदै गरेको भे १ ख १३२९ नम्बरको बस भेरी नगरपालिका १ रिम्नामा सडकबाट भेरी नदीमा खसेको प्रहरीले जनाएको छ । प्रहरीकाअनुसार अहिलेसम्म ३ जनाको शव भेटिएको छ भने ५ जनाको उद्धार भएको छ । 

दुर्घटनाको जानकारी पाएलगत्तै जिल्ला प्रहरी कार्यालय र इलाका प्रहरी कार्यालय रिम्नाको टोली उद्धारमा खटिएको छ । प्रहरी निरीक्षक केशरबहादुर कार्की नेतृत्वमा २५ जनाको प्रहरी टोली उद्धारमा गएको छ ।