नागरिक पोष्ट News

• आलोक यादव , सिरहा 

सिरहाको नरहा गाउँपालिका–३ स्थित नयाँ चोहर्वा सडकखण्डबाट दुई युवक लागुऔषधसहित पक्राउ परेका छन् । जिल्ला प्रहरी कार्यालय मातहत इलाका प्रहरी कार्यालय मिर्चैयाबाट खटिएको प्रहरी टोलीले गोलबजार नगरपालिका वडा नं. ८ बस्ने २२ वर्षीय दिपेन्द्र यादव र उदयपुरको कटारी नगरपालिका वडा नं. १ बस्ने २५ वर्षीय गोकर्ण थापालाई पक्राउ गरेको हो । चेकजाँच गर्ने क्रममा स २ प ४४७९ नम्बरको मोटरसाइकलमा आएका दुबै जनलाई लागुऔषधसहित नियन्त्रणमा लिएको जिल्ला प्रहरी कार्यालय सिरहाका प्रमुख एसपी जिवन श्रेष्ठले जानकारी दिए । एसपि श्रेष्ठका अनुसार उनीहरुको साथबाट प्रहरीले डाइलेक्स डिसी ९१ बोतल, नाइट्रोसन २० चक्की र पेन्टालब २१ एम्पुल लागुऔषध बरामद भएको छ । ‘पक्राउ परेका अभियुक्तहरुमाथि थप अनुसन्धान भइरहेको श्रेष्ठले बताएका छन् ।

जिल्ला प्रहरी कार्यालय सिरहा मातहत सिमा प्रहरी चौकी झाझपट्टी सिराहा बाट खटिएको प्रहरी टोलीले अबैध रुपमा भारतबाट भन्सार छलि नेपाल तर्फ ल्याउँदै गरेको सामान बरामद गरेको छ । प्रहरीले करिब दस लाख बराबरको हाडवेयरको समान सहितबरामद गरेको छ । मरामद गरिएको समान भन्सार कार्यालय बुझाइएको जिल्ला प्रहरी कार्यालय सिरहाका प्रवक्ता तथा डिएसपि धव राज खरेलले जानकारी दिए ।