नागरिक पोष्ट News

• आलोक यादव, सिरहा

मानव सेवा गर्दै आईरहेका काठमाडौको दुई वटा ट्रष्टले संयुक्त रुपमा सिरहाको लहानमा कम्बल वितरण गरेको छ । लहान नगरपालिका वडा नम्बर ५ र ६ का विपन्न , असाहय , गरिब , दलित समुदायका २५ जना लाई कम्बल प्रदान गरेको हो । मानव सेवा ट्रष्ट र उपकार सेवा समाजको संयुक्त आयोजनामा कम्बल वितरण गरेको आयोजक मध्ये मानव सेवा ट्रष्टका अध्यक्ष सुरेश गुप्ताले जनाएको छ । मानव सेवा ट्रष्टका सदस्य बिनोद विश्वकर्माका अनुसार २०६९ साल देखिनै सो संस्था हरुले निश्वार्थ रुपमा बिभिन्न सामाजिक कामहरु गर्दै आईरहेको बताएका छन । असाहय विधार्थीहरुलाई छात्रबृत्तीको ब्यबस्था , किताब कपी बितरण , बाढी पहिरो , भुकम्प , आगलागी जस्ता दैबी प्रकोपहरुमामा पिडितहरुलाई सहयोग लगायतका कार्यहरु गर्दै आईरहेको सदस्य विश्वकर्माको भनाई थियो । कार्यक्रममा लहानका माडबारी सेवा समितिका अध्यक्ष संजय अग्रवाल , उधोग बाणिज्य संघ लहानका कोषाध्यक्ष विकाश सारडा , सुन चाँदी ब्यबसायी रोजेश सारडा , उपकार सेवा नेपालका सदस्य बसन्त खण्डेलवाला लगायतका समाजसेवीहरुको उपस्थितिमा कम्बल वितरण भएको थियो ।