नागरिक पोष्ट News

एजेन्सी, १३ मंसिर । द कपिल शर्मा शो पुनः एकपटक मानिसहरुलाई हँसाउने प्रतिबद्धतासहित सुरु हुँदैछ । 

सोनी टेलिभिजनले कार्यक्रम द कपिल शर्मा शोको टिजर सार्वजनिक गरेको छ ।

शाहरुख खान, कट्रिना कैफ र अनुष्का शर्माको फिल्म जिरो २१ डिसेम्बरमा रिलिज हुने तयारीमा छ । यो फिल्मको प्रोमोशनका लागि यी तीनै कलाकार कपिलको कार्यक्रममा जाने बताइएको छ ।  

कपिलले मार्च सन् २०१८ मा फ्यामिली टाइम विद कपिलबाट फिर्ता हुने कोसिस गरेका थिए तर तीन एपिसोड अनएयर भएपछि नै कार्यक्रम बन्द भएको थियो । 

तर कपिल शर्माको बिग्रदों स्वास्थ्य र गैर–व्यवसायिक व्यवहार देखाउँदै कार्यक्रम बन्द गरिएको थियो । 

आफू ठिक भएपछि उनी चाँडै नै टेलिभिजनमा फिर्ता हुने बताएका थिए ।