नागरिक पोष्ट News

सामाजिक सञ्जालको अत्याधिक प्रयोग र यसै माध्यमबाट प्रेम र विछोड गर्ने बढ्दो लहडका कारण विराटनगरकी एक युवतीको आफ्नै प्रेमीले जघन्य हत्या गरेका छन् ।

लामो समय देखि आपसमा प्रेममा बसेपनि पछिल्लो समय विवादमा परेपछि सो हत्या भएकाले प्रमुख अभियुक्त पक्राउ परेपनि गहन अनुसन्धान गर्नुपर्ने मोरङ प्रहरीले जनाएको छ । यो घटनाबाट युवा उमेरमा उत्तेजना र आवेशमा हुन सक्ने अपराध बारे प्रहरीलाई सजग बनाएको मोरङका प्रहरी उपरीक्षक मनोज केसी बताउनु हुन्छ ।

२०७५ भाद्र १ गते शुक्रवार विराटनगरबाट ग्रामथान गाँउपालिकामा घुम्न निस्किएका विराटनगर वडा नं. १३ का दिनेश भट्टराईले आफ्नै साथी शिखा घिमिरेको हत्या गरेका थिए । उनलाई हत्या गरेर फरार हुदै गर्दा स्थानीयहरुले पक्राउ गरि प्रहरीलाई बुझाएका थिए ।

भट्टराईले धारिलो हतियार प्रयोग गरी शिखाको टाउको लगायत विभिन्न भागमा काट्न थालेपछि उनी कराएको र त्यसपछि खेतमा काम गरिरहेका गाँउलेले थाहा पाएका थिए । तर उद्दारका लागि पुगेका गाउँलेले शिखालाई बचाउन भने सकेनन् ।

मनोज चिमरिया/ @न्युज24नेपाल