नागरिक पोष्ट News

विश्वले चिन्नेछ नेपालीलाई” नाराका साथ आगामी भदौ ११ गते नेपालको योगसाधक अनन्तराम केसीले सबैभन्दा लामो समयसम्म प्रवचन दिएर नयाँ कीर्तिमान कायम गर्न लागेका छन्।

 नुवाकोटको शिवपुरी गाँउपालीका वडा नं १ मा जन्मिएका अनन्तराम केसीले अघिल्लो वर्ष लगातार ८० घण्टा ४ मिनेट भाषण गरी विश्व कीर्तिमान बनाएको भए पनि प्राविधिक समस्याका कारण त्यसलाई प्रमाणिकरण गरिएको थिएन । यसपटक न्यूनतम ८० घण्टा र बढीमा १०० घण्टासम्म लगातार बोल्ने केसीले बताएका छन् ।विश्व कीर्तिमान कायम गर्न अहिले अनन्तराम र सो अभियानलाई सहयोग गर्ने विभिन्न संघसंस्था तथा व्यक्तिहरु अभियानलाइ सफल बनाउन  जुटिरहेका छन् ।  

उक्त कार्यक्रम सम्पन्न गर्न २५ दखि ३० लाख रुपैयाँ लाग्ने र यो रकम सहयोग संकलन गरेर पूरा गर्ने लक्ष्य सहित आयोजक न्यू माइण्डस् एकेडेमीले विभिन्न स्थानमा अन्तरक्रिया कार्यक्रमहरु आयोजना गर्दै आर्थिक सहयोग बटुल्दै आएको छ ।त्यसैको  निरन्तरता स्वरुप न्यु माइन्ड्स एकेडेमी आर्थिक सहयोग संकलन समितिले श्रावण २६ गते शनिबार ओएसीस क्याफे बसुन्धरामा अन्तरक्रिया कार्यक्रम सम्पन्न गरेको छ ।

न्यू माइण्ड्स एकेडेमीका अध्यक्ष तथा अभियानका संयोजक कुमारराज सुवेदीको सभापतित्वमा सम्पन्न कार्यक्रममा डा. महतले अनन्तरामको अभियानलाई आफ्नो व्यक्तिगत र संस्थागत रुपमा साथ दिने प्रतिबद्धता जनाउनुभयो ।

त्यस्तै काठमाडौं महानगपालिकाका उपमेयर हरिप्रभा खड्गीले महानगबाट सहयोग जुटाइने प्रतिबद्धता जनाउनुभयो । त्यस्तै टोखा नगपालिकाका प्रमुख प्रकाश अधिकारीले आफू र नगरपालिकाको तर्फबाट सहयोगको प्रतिबद्धताा जनाउनुभयो ।

कार्यक्रममा नेपाली कांग्रेसका नेता जगदिश्वर नसिंह केसीले ७५ हजार रुपैयाँको सहयोग रकम हस्तान्तरण गर्नुभएको थियो भने नेपाली कांग्रेस नुवाकोटका विभिन्न तहका नेताहरुले सहयोग गर्नुभएको थियो ।

नुवाकोटको शिवपुरी गाँउपालीका वडा नं १ मा जन्मिएका अनन्तराम केसीले अघिल्लो वर्ष लगातार ८० घण्टा ४ मिनेट भाषण गरी विश्व कीर्तिमान बनाएको भए पनि प्राविधिक समस्याका कारण त्यसलाई प्रमाणिकरण गरिएको थिएन ।

यसपटक न्यूनतम ८० घण्टा र बढीमा १०० घण्टासम्म लगातार बोल्ने केसीले बताउनुभएको छ । यसपटक गिनीज वुक अफ वल्डको कार्यालय बेलायतबाटै प्रतिनिधि झिकाएर नाम लेखाउने तयारी भैरहेको छ ।

शिक्षण पेशा छोडेर मनोशक्तिको अभ्यास र खोज तथा अनुसन्धानमा लागेर त्यसको तालिम समेत दिने गर्नुभएका केसीले यसपटक नयाँ विश्व कीर्तिमान कायम गर्न दृढता व्यक्त गर्नुभएको छ ।