नागरिक पोष्ट News

 टाउको दुख्नसाथ, रुँघा लाग्नसाथ, जिउ दुख्नसाथ पेन किलर खाने बानी छ ! सावधान  हाम्रो प्रवृत्ति के छ भने, टाउको दुख्नसाथ औषधी खाइहाल्ने । रुँघा लाग्नसाथ औषधी खाइहाल्ने । जिउ दुख्नसाथ औषधी खाइहाल्ने । यसरी खाइने औषधीले शरीरलाई भने क्रमस नकारात्मक असर पुर्‍याउँछ ।

अझ प्रवृत्ति कतिसम्म खराब छ भने, यस्ता पेनकिलर चिकित्सकको परामर्श बिना नै लिने गरिन्छ । सामान्य टाउको दुखेको बेला होस् वा कुनै घाउ दुखेको बेला । जबकी पेन किलरले अन्तत जटिल समस्या पैदा गर्न सक्ने खतरा रहन्छ ।

Source : सावधान ! पेनकिलरले यसरी भित्री अंगलाई नष्ट गर्न सक्छ

यदि कसैलाई मधुमेह, उच्च रक्तचाप, हाइ कोलेस्टोर वा मिर्गौंलाको समस्या छ भने त्यस्तो अवस्थामा पेन किलर थप हानिकारक हुनसक्छ ।

त्यसैले त कतिपयले प्राकृतिक उपचार पद्धती अपनाउँछन् । कतिपयले आयुर्बेदिक औषधी सेवन गर्छन् । भनिन्छ, यस्ता उपचार विधी एवं औषधीको शरीरका कुनै साइड इफेक्ट हुँदैन ।

दममा

केही पेनकिलर यस्ता हुन्छन्, जसले स्वासप्रश्वास सम्बन्धी समस्या ल्याउन सक्छ । यसको अधिक प्रयोगले दमको शिकार हुने खतरा रहन्छ । नियमित मात्रामा पेन किलर सेवन गर्दा त्यसले फोक्सोको समस्या निम्त्याउँछ ।

पेटमा घाउ हुनसक्छ

पेन किलर धेरै मात्रामा सेवन गर्दा त्यसले पेटमा ग्यासको समस्या ल्याउने संभावना हुन्छ । छातीमा जलन, पेट दुखाई, नमिठो डकार, वान्ता हुनसक्छ । यसले क्रमस पेट सुन्निने समस्या ल्याउँछ । यो क्रम जारी रहेमा पेटमा घाउ आउन सक्छ ।

मुटुको रोग

लामो समयसम्म कुनैपनि पेनकिलर सेवन गर्दा त्यसले मृगौलाको रोग निम्त्याउँछ । कलेजोलाई हानी गर्छ । मानसिक रोगी बनाउँछ । किनभने पेन किलरले रगतलाई दुषित बनाउँछ । यसले हृदयघातको समस्या पनि ल्याउन सक्छ ।

कलेजो सुन्निने

पेन किलरको असर कलेजोमा पर्छ । पेन किलर धेरै मात्रामा सेवन गरेपछि कलेजाको सेल्स मर्न थाल्छ । यसको ठूलो लक्षण हो, भोक कम लाग्नु ।

रक्तश्राव हुनसक्छ

एक अध्ययन अनुसार अधिक मात्रामा पेन किलर सेवन गर्नु निकै खतरानक छ । कुनैपनि पेनकिलर औषधीको प्रभाव हुनका लागि कम्तीमा तीस मिनेट लाग्छ । यस्तो अवस्थामा पेनकिलरको ओभरडोज लिँदा रक्तश्राव, मिर्गौंलालाई हानी हुने खतरा रहन्छ ।

गर्भपात

गर्भवती महिलाले पेनकिलर सेवन गर्नु निकै जोखिमपूर्ण हुनसक्छ । पेनकिलरको सेवनले गर्भपानत हुने खतरा रहन्छ ।

रक्तचाप बढ्छ

पटक पटक पेनकिलर सेवन गर्दा त्यसको लत लाग्छ । यस औषधीले लगातार सेवनले उच्च रक्तचाप बढ्न सक्छ ।