नागरिक पोष्ट News

भैरहवा बिमान स्थलमा यति एयरको जहाज अवतरण गर्ने क्रममा दुर्घटना भएको ताजा समाचार प्राप्त भएको छ ।  काठमाण्डौंबाट भैरहवाका लागि उडेको यती एयरलाइन्सको नाइन एन ८९३ कलसाइनको जहाज अवतरण पश्चात सामान्य दुर्घटना भएको भैरहवा विमानस्थलका निर्देशक टेकराज पोखरेलले बताए । बिमानको पाँग्रा अडकीएका कारण जहाज दुर्घटना भएको बताइएको छ ।  धावन मार्गमा गुड्ने क्रममा ह्विल लक भए पछि अड्किएर विमान दुर्घटनामा परेको हो । विमानमा सवार चालक सहित २६ यात्रुहरु सकुसल रहेको बताइएको छ । विमान दुर्घटना पछि गौतम बुद्ध विमानस्थल बन्द गरिएको छ ।