नागरिक पोष्ट News

ओली सरकारको २० सदस्यीय मन्त्रीमण्डल सरकार : ११ नयाँ मन्त्रीहरु को को ?

4.6K

प्रधानमन्त्री केपी शर्मा ओलीले तेस्रो पटक मन्त्रिपरिषद् विस्तार गरेका छन् । ओलीले एमालेबाट ८ जना र माओवादी केन्द्रबाट ५ मन्त्री थपेर २० सदस्यीय मन्त्रीमण्डल बिस्तार गरेका छन् ।

थप गरिएका मन्त्रिहरुले शुक्रबार राष्ट्रपतिबाट शपथ लिएका छन् । शपथ लिनेमा एमालेबाट प्रदिप ज्ञवाली - परराष्ट्र, गोकर्ण विष्ट - श्रम तथा रोजगार, रविन्द्र अधिकारी-पर्यटन, जगत विश्वकर्मा - युवा तथा खेलकुद, रघुवीर महासेठ-भौतिक पूर्वाधार, शेरबहादुर तामाङ- कानुनमन्त्री, गोकुल बास्कोटा -सूचना तथा सञ्चार, राज्यमन्त्री, पदमा अर्याल - स्वास्थ्यराज्यमन्त्री रहेका छन् ।

त्यस्तै माओवादी केन्द्रबाट शपथ लिनेमा गिरिराजमणि पोखरेल-शिक्षा, वर्षमान पुन -उर्जा तथा जलस्रोत, चक्रपाणि खनाल-कृषि तथा सहकारी, बिना मगर-खानेपानी, शक्ति बस्नेत-वन तथा वातावरण, धनबहादुर बुढा-संस्कृति राज्यमन्त्री, रामकुमारी चौधरी-कृषि राज्यमन्त्री रहेका छन् ।

शपथ कार्यममा प्रधानमन्त्री, राष्ट्रियसभाका अध्यक्ष गणेश तिमिल्सिना, सभामुख कृष्णबहादुर महरालगायत उपस्थित थिए।

नवनियुक्त मन्त्रीले राष्ट्रपतिसँग पद तथा गोपनियताको सपथ लिनु भए लगत्तै राज्यमन्त्रीलाई प्रधानमन्त्री ओलीले शपथ खुवाएका थिए ।