नागरिक पोष्ट News

– प्रतिमा सिलवाल/ महिला खबर 

 पर्सा जिल्लाकी ८ वर्षीया बालिकाको अबोधपनको फाइदा अपराध कर्म गर्नेले उठाए । फाइदा उठाए के भन्नु ! कालो कर्तुत गरेर एउटी बालिकाको बालापन लुटे । स्वतन्त्रता लुटे, चुलुबुले पना लुटे । सिंगोमा जीवनै लुटे ।

एउटा छोरीको बाबु राजधानीको एउटा अस्पतालको बेडमा छट्पटाइ रहेकी बलात्कृत ८ वर्षे छोरीको अस्तित्व खोजिरहेको छ । अब त्यो छोरीको अस्तित्व यो समाजले सहज स्वीकारदैन ।

घटना थियो १६ फागुनको । बालिकाको उद्दारमा संलग्न अधिकारकर्मी साबित्री सुवेदीका अनुसार सुरुमा बालिकाले ३ जनाले बलात्कार गरेको बताएकी थिईन् । सुनिल साह, मनोज सहनी र शनि भनिएका व्यक्तिले बलात्कार गरेका बताएकी थिईन् ।

घटनाको भोलिपल्ट बाबुले तिनै जनाको नाममा किटानी जाहेरी दिए पनि प्रहरीले उक्त जाहेरी दर्ता गरेन । १७ फागुनमा पक्राउ परेका मनोजलाई छाडिदियो । अहिले प्रहरी हिरासतमा पोखरिया नगरपालिका वडा नम्बर ४ घर भएका सुनिल साह छन् ।

जिल्ला प्रहरी कार्यालय पर्साका प्रवक्ता डिएसपी राजन लिम्बु मनोज घटनामा संलग्न भएको नखुलेको कारण उसलाई छाडिदिएको बताउँछन् । प्रहरीले पक्राउ परेका साहलाई अदालतबाट म्याद थप गरेर अनुसन्धान गरिरहेको जनाएको छ ।

Click VIDEO

Aअचेत फेला परेकी बालिकालाई आफन्तले बीरगन्जस्थित नारायणी उपक्षेत्रीय अस्पतालमा पुर्याएपछि उनी माथी बलात्कार भएको चिकित्सकहरुले प्रमाणित गरेका थिए। बालिकाको अवस्थामा चिन्ताजनक रहेको र सोही अस्पतालले थप  उपचारको लागि काठमाडौं पठाएको छ। हाल बालिकाको उपचार काठमाडौंको ग्रीनसिटि अस्पतालमा भैरहेको छ ।

बालिकाको शरीरको विभिन्न स्थानमा घाउ लागेको तथा उनको गोप्य अंगमा समेत गहिरो घाउ भएको उपचारमा संलग्न डा.रुपा झा ले  बताइन । अस्पतालमा भर्ना भएकी बालिकाको स्वास्थ्यस्थिति खतरामुक्त  रहेको उपचारमा संलग्न चिकित्सकले जनाएका छन् ।

ग्रीनसिटि अस्पतालका अध्यक्ष लोक बहादुर टन्डनले भने यी ८ बर्षीय बालिकाको सम्पूर्ण उपचार खर्च हस्पिटलले निशुल्क गरिदिने भन्दै   ‘‘निकै दुख लाग्दो र गम्भीर अपराधिक घट्ना हो यस्ता  बलात्कारिलाई राज्यले कडा भन्दा कडा कानुन बनाई अपराधिलाई कारबाही गर्नुपर्छ । टन्डनले समाजमा  बलात्कारी भन्दा बलात्कृत लज्जित हुनुपर्ने अवस्था छ । योजतिको लाजमर्दो अवस्था अरु के होला ?