नागरिक पोष्ट News

रामेछापको लिखु गाउँपालिका वडा नम्बर २ सैपु सिसन्धुकी सुन्तली तामाङको बलात्कारपछि हत्या गर्ने श्याम राउतलाई   प्रहरीले ५ वर्षपछि भारतको अण्डमान निकोबार टापुबाट पक्राउ गर्न सफल भएको छ । तत्कालीन सैपू गाविस वडा नम्बर १ को सिरिसे कवैटार भन्ने ठाउँबाट ०६८ माघ ५ गते हराएकी सन्तली तामाङको शव १५ दिनपछि लिखु खोलामा झोलाको फित्ताले घाटीमा बाँधेको अवस्थामा फेला परेको थियो । उनको बलात्कारपछि हत्या भएको थियो ।

छोरीको हत्याबाट विक्षिप्त बनेकी आमा डिल्लीमायाले जिल्ला प्रहरी कार्यालयमा छिमेकी पोकुका श्याम राउत र प्रदीप राउत विरुद्ध किटानी जाहेरी दिएकी थिइन् । तर, बलत्कार गरी हत्या गर्ने हत्यारालाई कारवाहीका लागि किटानी जाहेरी दिने डिल्लीमायालाई तत्कालीन डिएसपी सञ्जिव शर्माले उल्टै अनुसन्धान र छानबीन गर्न किन खोजेका थिए । हत्याराले गुण्डालगाएर  डिल्लीमायालाई बिस्थापित बनाउदा समेत टुलुटुलु हेर्न शर्माले पीडितसँग राम्रो घरखेत पास गरेर देउ समेत भनेको पत्रकार सम्मेलनमा आँसुका धारा बगाउदै डिल्लीमायाले भनेकी छिन् । ५ वर्षदेखि फरार श्याम राउतलाई भारतको अण्डमान टापुबाट डिएसपी कुमोद ढुंगोलको टीमले पक्राउ गर्न सफल भएको छ । यो हत्यामा हत्यारालाई जमानी हाजिरीमा छोड्ने र पीडितलाई थप पीडा दिने रामेछापका तत्कालीन डिएसपी सञ्जीव शर्मालाई पनि कारवाही हुनुपर्दछ भन्ने आवाज पीडित डिल्लीमाया तामाङको छ । 

हत्याराको धम्कीपछि पीडित परिवार विस्थापित भएर ६ महिनासम्म सिन्धुलीमा बसेको विषय अनलाइखबरमार्फत बाहिर आएपछि प्रहरी हेडक्वार्टरले तत्कालीन डीएसपी शर्मालाई विभागीय कारवाही स्वरुप सरुवा समेत गरेको थियो ।

यस अर्थमा डिएसपी शर्माले नेपाल प्रहरी संगठनको शाख गिराउने काम गरेको देखिन्छ भने हत्यारालाई उन्मुक्ति र पीडितलाई थप पीडा दिने काम गरेकोले डिएसपी सञ्जीव शर्मा कारवाहीको भागीदार हुनैपर्दछ । अनिमात्र सुन्तलीको आत्माले शान्ति पाउनेछ र डिल्लीमाया तामाङको मन खशी हुनेछ । 

डिएसपी कुमोद ढुंगेलको प्रहरी मेरो साथी न्यायिक अभियानलाई उच्च सामाजिक  मान र नागरिक सम्मान छ । नेपाल प्रहरीमा ढुंगेलजस्तैै देशभक्त सपुतहरुको खाँचो छ । जय नेपाल