नागरिक पोष्ट News

सूचना सञ्चार तथा प्रविधि मन्त्री सुरेन्द्र कुमार (राम) कार्कीले पत्रकार महासंघ ललितपुर शाखाको नवनिर्वाचित पत्रकारहरुलाई प्रमाणपत्र सहित खादा ओढाएर पदभार ग्रहण गराए । २०७४ बैशाख ७ गतेको दशौं वार्षिक साधारण सभाबाट निर्वाचित ज्ञान प्रसाद पौडेल अध्यक्ष सहित सबै पदाधिकारीहरुले नेपाल पत्रकार महासंघ ललितपुर शाखाको जिम्मेवारी सहित पदभार  ग्रहण गरेका हुन् । निवर्तमान अध्यक्ष लेखनाथ न्यौपानेले निर्वाचित अध्यक्ष ज्ञान पौडेललाई माइन्युट हस्तान्तरण गरेर पदभार हस्तान्तरण गरे । निर्वाचित अध्यक्ष पौडेलल पत्रकारहरुको सबै किसिमका साझा मुद्दा र महासंघको संस्थागत विकास गर्ने प्रतिबद्धता जनाएका छन् ।