नागरिक पोष्ट News

जेव्रा क्रस र आकाशे पुलको प्रयोग नगरी अन्यत्रबाट बाटो काट्नेलाई तत्कालै नियन्त्रणमा लिने र तीन घण्टासम्म बन्द कोठामा प्रशिक्षण दिएरमात्रै छाड्न ट्राफिक प्रहरी  महाशाखाको निर्देशन छ ।  कतै तपाई सडकमा जथाभावी बाटो काट्दै त हुनुहुन्न ? राम्रोसँग ख्याल गर्नुहोस् है नत्र तपाईलाई ट्राफिक प्रहरीले प्रहरी हिरसतमा राखी कारवाही समेत चलाउन सक्नेछ  । आगामी जेठ १६ गतेबाट उपत्यकामा जेव्राक्रस र आकाशे पुल भएका स्थानमा ति स्थानको प्रयोग नगरी जथाभावी बाटो काट्नेलाई नियन्त्रणमा लिएर जरीवाना र हिरासतमा लिएर कारवाही गर्न सक्ने ट्राफिक प्रहरीले जनाएको छ । ‘हामी पहिला जनचेतना फैलाउछौ, त्यसमा कसैले वेवास्ता गरे कारवाही गर्न बाध्य हुनेछौ’ ट्राफिक प्रहरी माहाशाखाका प्रमुख डिआइजी मिङमार लामाले भने । उनकाका अनुसार उपत्यकामा ४० प्रतिशत दुर्घटना जथाभावी बाटो काट्दा भएको पाएकाले यो अभियान चलाउन थालिएको हो । उनका अनुसार जेठ १५ गतेसम्म तीनवटै जिल्लामा प्रचार प्रचार गरिनेछ र १६ गतेबाट हतार वा अन्य कुनै पनि बहानामा जथाभावी सडक काट्ने व्यक्ति कारवाहीको भागिदार बन्नुपर्नेछ । त्यसका लागि ट्राफिक प्रहरीले अहिले उपत्यकाका तीनवटै जिल्लामा जनचेतनामुलक कार्यक्रम गरिरहेको छ । ललितपुर ट्राफिक कार्यलयका प्रमुख सिताराम हाछेथुका अनुसार ललितपुरमा मात्रै दुई लाख प्रचा, पम्प्लेट छापेर वितरण गरिएको छ भने दैनिक एकसय २० जनालाई जनचेतनाका लागि सडक चोक तथा सार्वजनिक स्थानमा जेव्रा क्रस र आकाशे पुलबाटमात्र बाटो काट्नुपर्छ भन्ने सर्वसाधारणलाई जानकारी दिन खटाएको छ । हाछेथुका अनुसार जेव्रा क्रस र आकाशे पुलको प्रयोग नगरी अन्यत्रबाट बाटो काट्नेलाई तत्कालै नियन्त्रणमा लिने र तीन घण्टासम्म बन्द कोठामा प्रशिक्षण दिएरमात्रै छाड्न महाशाखाको निर्देशन छ ।