नागरिक पोष्ट News

 आरती चटौत नेपाली टेलिभिजन पत्रकारीता जगतकी सफल महिला पत्रकार रुपमा चिनिन्छिन् । टेलिभिजन पत्रकारीता यात्राका दौरानमा चटौतले थुप्रै आरोह अवरोहहरु पार गरेकी छिन् । विपदसम्बन्धी कार्यक्रम पहल, सूचना मेरो पनि हक र एनटीभी फोरमको समेत प्रस्तोता भएर काम गरिसकेकी आरती अहिले एनटीभीमा डेपुटी डाइरेक्टरको रुपमा कार्यरत छिन्।

युएन नेपाल पत्रकार महासंघ मिडिया अवार्ड २०१२ बाट सम्मानित समेत भएकी आरती भन्छिन् , कोही मानिसबाट प्रभावित वा प्रोत्साहित हुनु, उसलाई आइडल ठान्नु सामान्य हो। तर कपी हुने चेष्टा गर्‍यो भने उसको पहिचान र अस्तित्व हुँदैन। त्यसैले आफ्नै छवि र  पहिचान बनाउन सिक्नुपर्दछ र सक्नुपर्दछ पनि । 

 प्रविधि वा अन्य सुखसुविधामात्र हेरेर हुँदैन। प्रतिकूलताभित्रै कर्म खोज्ने हो।’ प्रविधि र वातावरणले मात्र पत्रकारलाई सफलतातर्फ नडोहोर्‍याउने उनको ठम्याइ छ। उनको नजरमा ती सहायक हुन्। उनको बुझाइ छ( ‘पत्रकारको प्रधान विषय त देश र समाजलाई चिन्नु हो। बुझ्नु हो। मुद्दा छनोट, इमान, लगन र निरन्तरता पत्रकारका लागि मुख्य विषय हुन्।’