नागरिक पोष्ट News

भारतको एक टेलिभिजनकी समाचारवाचिका सुप्रित कौर यस्तो अभागी समाचार वाचिका हुन्, जसले आफ्नै पतिको मृत्युको समाचार ‘ब्रेकिङ न्युज’ का रुपमा पढ्नु पर्यो ।

समाचार पढिरहेको बेला एउटा ब्रेकिङ न्यूज आयो– सडक दुर्घटनामा तीन जनाको मृत्यु । छत्तीसगढका क्षेत्रीय टिभी च्यानलकी समाचारवाचिका सुप्रितले त्यही बेला घटनास्थलमा संवाददातालाई फोन लगाइन् र घटनाका बारेमा थप जानकारी मागिन् ।

कौरले केही नभएजस्तो गरी आफ्नो भावनालाई काबुमा राखेर समाचार वाचन पूरा गरिन् । सुप्रितका साथीहरुले उनले व्यक्तिगत पीडामा पनि आफूलाई सम्हालेर कामप्रतिको दायित्व निर्वाह गरेको भन्दै तारिफ गरेका छन् ।

कौर आइबिसी २४ टिभी च्यानलमा ९ वर्षदेखि काम गरिरहेकी छन् । हर्षदसँग एक वर्षअघि मात्रै उनको विवाह भएको थियो ।